100k Cash Gift sa mga Centenarian Pirmado ni P’noy

Bago tuluyang lumisan si Pangulong Noynoy Aquino bilang presidente ng bansa pinirmahan niya ang isang batas na nagbibigay ng Php100 thousand pesos na cash gift sa mga centenarian o mga mamamayang may edad na 100 years old pataas at nabubuhay pa ito.

Ayon sa record, aabot naman sa 3,500 na mga centenariana ang mabibigyan ng naturang halaga.

Samantala, sa National Centenarian’s Day na itinakda sa unang lingo ng Octubre ay bibigyan naman ng plaque of appreciation ang mga ito.

Natuwa naman ang mga centenarian pero iginiit ng mga ito na sana raw ay maisabatas pa rin ang kahilingang dagdag pension sa mga senior citizen sapagkat dito ay makikinabang ang lahat ng mga senior citizen sa bansa hindi ang iilan lamang.

Myra Revilla
MCBN News Correspondent
June 28, 2016